لم أعد كما كنت ^_^ وسعيده بما أصبحت :)

(خبر جديد)
أنا ماعدت أنا مثل ماكنت ,, زمان كنت أثق بالكل ,, مايحتاج أعرف الشخص مجرد ماسلم علي أنا أثق فيه ,, زمان الكل بعيوني طيبين وبريئين ,, زمان أهتم بمشاعر اللي حولي على حساب مشاعري ,, زمان أبكي بهدوء وبعيد عن الأنظار عشان ما احرج اللي نزل دموعي أو أضايقه ,, زمان كنت أضغط ع نفسي لو كنت متضايقه أو تعبانه بس عشان خواطرهم ,, زمان كنت أقدم كل شيء أقدر عليه للي أعرفهم بدون لآ أهتم إذآ بيعطوني مقابل ,,, زمان كنت أصحى مبتسمه مهما بكيت بالليل ,, كنت أبتسم عشان ما اضيق خواطرهم ,, زمان كنت أعتقد كل شخص يبتسم لي معناته يحبني :) ,, كنت زمان لما اشوف أحد متضايق اتضايق معاه بدون لآ أعرف السبب ,, كنت اضحك ,, كنت أمزح ,, كنت أسولف ,, كنت أسمع ,, كنت أستهبل وكنت سعيدهـ ,,,

ألحين بقولها وبكل صرآحه ,, أنا تغيرت ,, أنا شخص جديد ,, شخص لساتني أتعرف على نفسي ,,
صرت ما أهتم بأي أحد ,, تحبني تكرهني تعشقني ماتطيقني ,, ما يهمني ,,
ما أثق بأحد ,, مهما كنت قريب بالنسبه لي أدري أنك بتتغير بيوم من الأيام ,, ومو لآزم سبب لتغيرك ,,

صرت أقول كلمتي ورأيي بدون لآ أفكر بمشاعر اللي قبالي ,, بتزعل ازعل بحريقه ,, بتتضايق تضايق مو أكبر همي ضيقتك,,

صرت أعرف انه محد طيب وبريء بهالزمن ,, كلهم أشرار ويلبسون أقنعه يوميا على حسب مصلحتهم ..

صرت ما أبكي لأنو محد يستاهل دموعي ,, ليش أبكي عشان ناس ماتستاهل ,, واذا تضايقت أطلع ضيقتي بوجه اللي ضايقني ومايهمني ينحرج ولآ لأ ,, بس ماتنزل دموعي عشان ناس تافهه تمر بحياتي ,,

صرت أصحى وأذآ مبسوطه ببتسم واذا متضايقه أقولها بالوجه ترى بجد مالي خلقكم غصب السالفه ><

صرت ما احب اجلس مع احد وأسولف ,, وش بتنفعني  فيه سوالفهم  ,, ما احب أخذ وأعطي ,, أختصر الكلام بهاي كيفك انا تمام وانتهينا مالها داعي أقول أكثر من كذآ ,, بلآ وجع رآآآآآآآآآآس ><

اذا ماعجبتني السالفه مالها داعي اجامل واضحك ,, سالفتك بايخه وش تبغى يعني !!

يعني بالمختصر أنا أبغى أدخل الجامعه ودايركت للمحاضرات مابي بريكات ولآ أبغى أشوف أحد ومن المحاضرات للبيت ^^
قسم جربت كذآ الترم الصيفي ,, وناااااااااسه ورآحه ومالي بأحد بيتنا ومحاضراتنا وحتى رفعت معدلي :)



بالمختصر لآتستغربون أني تغيرت ,, هذي إيديكم وعمايلكم ,, وشكرآ فتحتو عيوني على الدنيا :)